vk.com/public203338643 сайтри сӑн

Юр нумай ҫунӑ хыҫҫӑн Шӑмӑршӑ округӗнчи Хӗрлӗ Васан ялӗ ҫулсӑр, ҫутӑсӑр юлнӑ темелле. Ялта – 16 кил, пӗтӗмпе 37 ҫын пурӑнать. Вӗсем ҫанталӑк тыткӑнне лекнӗ пекех пулса тухнӑ.

Ҫынсем ҫула тасатман тесе халӑх тетелӗнче ҫӑхав ҫырнӑ. Юр нумай ҫунине пула урамри 6 юпаран виҫҫӗшӗнче ҫутӑ ҫунман. Ҫӑхав хыҫҫӑн райцентртан электриксене янӑ, вӗсем ҫунса кайнӑ лампӑсене улӑштарнӑ.

Кӑштахран ҫула та юртан тасатнӑ. Вырӑнти тӳре-шара тунман: юр нумай ҫунӑ вӑхӑтра лару-тӑру ҫивӗчленнӗ, юра тасатса ӗлкӗреймен. Темиҫе кунран трактор мӗнпур яла ҫитнӗ.

#ҫанталӑк, #Хӗрлӗ Васан, #Шӑмӑршӑ районӗ, #тӳре-шара, #ҫӑхавсем