forum.na-svyazi.ru порталтан илнӗ сӑнӳкерчӗк

Шупашкар хулинчи шкулсенчен пӗрне чӗртсе яма хӑтланнӑ учителе СИЗОна 2 уйӑхлӑха хупса хунӑ. Ӑна РФ Пуҫиле кодексӗн икӗ статйипе айӑпласшӑн: терроризм акчӗшӗн тата ҫаратнӑшӑн. Ӑна 20 ҫул таран ирӗкрен хӑтарма пултарӗҫ.

Аса илтерер: пӑтӑрмах кӑрлач уйӑхӗн 28-мӗшӗнче пулса иртнӗ. Шупашкарти 10-мӗш шкулта вӗрентекен 46 ҫулти хӗрарӑм икӗ класа ҫунтарса яма тӑнӑ. Анчах ӗҫе вӗҫлеме хуралҫӑ ссчӗвлӗ пулни кансӗрленӗ.

Хӗрарӑм ӗнентернӗ тӑрӑх, вӑл Раҫҫейӗн хӑрушсӑрлӑх службипе ҫыхӑну тытатӑп, вӗсем мӗн хушнине тӑватӑп тесе шухӑшланӑ имӗш. Хӗрарӑма кӑрлач уйӑхӗн 30-мӗшӗнче ӗҫрен кӑларнӑ.

#пуҫиле ӗҫсем, #пӑтӑрмахсем, #вӗрентекенсем, #шкулсем, #Шупашкар