chuvashia.sledcom.ru сӑнӳкерчӗкӗ

Шупашкар хулинче пурӑнакан пӗр арҫын хӑйӗн пӗлӗшне хӗнесе вӗлернӗ. Пӑтӑрмах кӑрлач уйӑхӗн 25-мӗшӗнчи ҫӗрле пулса иртнӗ.

38 ҫулти арҫын патӗнче ҫав каҫ 28 ҫулти ҫамрӑк хӑнара пулнӑ. Ӳсӗр арҫын хӑнана хӗнеме тапранса кайнӑ. Вӑл ӑна пуҫӗнчен ҫапса пӗтернӗ. Йывӑр суранланса пӗтнӗ ҫамрӑк арҫын вырӑнтах вилсе кайнӑ.

28 ҫулти арҫын вилнӗ хыҫҫӑн тӗпчевҫӗсем РФ Пуҫиле кодексӗн 111-мӗш статйин 4-мӗш пайӗпе килӗшӳллӗн пуҫиле ӗҫ пуҫарнӑ. Хӗнекеннине тытса чарнӑ.

#Шупашкар, #ӳсӗрсем, #сывлӑх, #пӑтӑрмахсем, #пуҫиле ӗҫсем