Васкавлӑ медпулӑшу фельдшерӗсем Элӗк районӗнче Мӑн Вылӑ ялӗнче пурӑнакан 81 ҫулти арҫын патне пулӑшма ҫитсен яла машинӑпа кӗрейменни пирки пӗлтернӗччӗ.

Аса илтерер: тухтӑрсем пациент патне 2 ҫухрӑм ҫуран утнӑ. Юрать, чӗрепе аптӑраса ӳкнӗскере пулӑшса ӗлкӗрнӗ. Ӑна вӗсем машина патне пластмасса ваннӑпа 2 ҫухрӑм сӗтӗрсе тухнӑ.

Халӗ прокуратура ку тӗслӗх тӗлӗшпе тӗрӗслев ирттерет. Тухтӑрсем пациент патне ҫула юр тултарнине пула ҫитеймен.

Пациент вара халӗ пульницӑра.

#прокуратура, #Элӗк районӗ, #Мӑн Вылӑ, #тухтӑрсем, #тӗрӗслевсем