ҪҪХПИ вырнаҫтарнӑ сӑн

Республикӑри ҪҪХПИ пӗлтернӗ тӑрӑх Красноармейски районӗнче юрҫӳрен водительне тытса чарнӑ. Арҫын ӳсӗр пулнӑ, ҫавӑн пекех унӑн ҫак транспорт хатӗрне тытса тӑма права та пулман.

Юрҫӳрен водителӗ тӗлӗшӗпе РФ КоАПӑн 12.8 статьян 3 пайӗпе административлӑ ӗҫ пуҫарнӑ.

Аса илтеретпӗр, юрҫӳренпе ӳсӗрле ярӑннӑскере юрҫӳрен правине (унпа ярӑнма хӑй тӗллӗн ҫӳрекен транспорт валли А1 категориллӗ права кирлӗ) ҫеҫ мар, автомобиль правине те тытса илме пултараҫҫӗ.

#юрҫӳренсем, #ӳсӗрсем, #Красноармейски районӗ, #пӑтӑрмахсем