Ҫӗмӗрлере пӗренесен хуҫи тӗлӗшпе суд пулнӑ. Арҫынна ҫынна асӑрханмасӑр вилӗм кӳнӗшӗн айӑпланӑ, унӑн ирӗкне 10 уйӑхлӑха чикӗлеме йышӑннӑ. Арҫын судра хӑйӗн айӑпне йышӑннӑ.

Аса илтерер: ку кӑҫал авӑн уйӑхӗн 23-мӗшӗнче пулнӑ. Чкалов урамӗнчи 55-мӗш ҫурт ҫывӑхӗнче купаланса выртнӑ пӗренесем ҫине 7 ҫулти хӗрача хӑпарса кайнӑ. Пӗренесем сапаланса кайнӑ, хӗрача пӗрин айне пулнӑ. Шел те, вӑл ҫавӑнтах вилнӗ.

Хальлӗхе приговор саккунлӑ вӑя кӗмен-ха.

#Ҫӗмӗрле, #судсем, #пӑтӑрмахсем, #ачасем