Сутатӑп Мотоблок валли лентӑллӑ ҫӗрулми кӑлармалли хатӗр сутатӑп. 15 пинпе. Хаклашма юра...
Сутатӑп Чăн-чăн килти хытă чăкăтсем (сырсем) сутатпăр. Вĕсене мăн пыршă (вырăсла сычуг) ...
Сутатӑп Хурăн вутти Муркаш районĕпе тата Шупашкар районĕнчи Ишлей тăрăхĕпе сутатăп. Ха...
Филологи ӑслӑлӑхӗсен кандидачӗ Леонид Пэленич (Петров-Атлай) Фейсбукра раштав уйӑхӗн 19-мӗшӗнче пӗлтернӗ тӑрӑх, ӗнер паллӑ чӑваш ҫыравҫипе, драматургпа тата тӑлмачӑпа Федор Коноваловпа (Хӗветӗр Агиверпа) сывпуллашнӑ.
Хӗветӗр Агивер Комсомольски районӗнчи Нӗркеҫре ҫуралнӑ. Чӑваш Республикин тава тивӗҫлӗ ӳнер ӗҫченӗ ята тивӗҫнӗ, Ҫемен Элкер ячӗллӗ журналистсен премийӗн лауреачӗ.
Чӑвашрадиора, «Тӑван Атӑл», «Ялав», «Капкӑн» журналсен редакцийӗсенче, Чӑваш Енри Писательсен союзӗн правленийӗн председателӗн заместителӗнче, «Хурӑнташ» писательсен союзӗн председателӗнче ӗҫленӗ.
«Чӑваш тӗнчин йӗркине пит лайӑх пӗлнӗренех пулӗ, ҫӗр ытла калавпа повӗҫ, сӑвӑпа статья пичетленӗ. Ас тӑватӑп, студентсем те курс тата диплом ӗҫӗсене ҫырнӑ чухне унӑн хитре сӑмахне кӑмӑллатчӗҫ. «Сар ачапа сарӑ хӗр» кӑна мӗне тӑрать!
Шел, чӑвашлӑх тӳпинче тата тепӗр ҫут ҫӑлтӑр сӳнчӗ. Унӑн Пурнӑҫ Кӗнекийӗсем пурри ҫеҫ хальлӗхе пире ҫухалма памӗ-ха!» — тесе ҫырнӑ Леонид Пэленич.
Тимӗр Акташ // 7352-1158
2021.12.20 21:53 | |
Тӑпри ҫӑмӑл пултӑр! | |
Cтаньял // 2053.26.5752
2021.12.21 19:36 | |
>Йӗрӗ литература хирӗнче анлӑ пулчӗ. Хӑйне майлӑ тӑрӑшрӗ, кивелми хайлама пултарчӗ, ҫамрӑксене ырӑ сунчӗ...
Пайланчӑк самана пӑтрӑмахёсем ӑна текех чӑрмантарас ҫук ӗнтӗ... Канлӗ ҫывӑр, Акивер! | |
Тимӗр Акташ // 5845.0.9040
2021.12.22 10:01 | |
Хӗветӗр Агивер вилни ҫинчен официаллӑ хурлӑхлӑ хыпар интернетра тупмарӑм. | |
Agabazar // 1144.14.3821
2021.12.22 10:53 | |
 |
Хветӗр Акивер Хветӗр Акивер пӗр вӑхӑт «Тӑван Атӑл» журналӑн, вӑл юхӑнса кайиччен темелле, тӗп редакторӗ пулнӑ. Каярах ҫыравҫӑсен «Хурӑнташ» пӗрлешӗвне ертсе пынӑ. Ҫуралнӑ чухнехи хушамат — Коновалов. Акивер тени — Нӗркеҫри пӗр ҫырман ячӗ: Ака варӗ > Ака вар > Аки вар > Акивер. Акапуҫпе ҫурса кайнӑ тӗлтен ҫырма пулса кайнӑ имӗш. Ҫавнашкал легенда. |
+12.3 °C
