Ҫӗнӗ Шупашкарта пӗрисем велосипедсӑр тӑрса юлни пирки йӗрке хуралҫисене авӑн уйӑхӗн пуҫламӑшӗнчех пӗлтернӗ-ха.

10 пин тенкӗ тӑракан икӗ урапаллӑ транспорта унӑн хуҫи Юханшыв бульварӗнчи ҫуртсенчен пӗрин подъездӗнче лартса хӑварнӑ.

Кӗҫех хулари темиҫе видеокамера эрех-сӑра хупахӗсене пӗр арҫын велосипедпа пырса ҫӳренине ӳкерсе илнӗ.

Ҫав ҫын вӑрланӑ велосипедпа хула тӑрӑх хӑюллӑн ҫӳренӗ иккен. Вӑл унччен судпа темиҫе хутчен те айӑпланнӑ 24-ри арҫын пулнӑ. Вӑрланӑ велосипеда Гидростроительсен урамӗнче тупнӑ. Ӑна ҫывӑх вӑхӑтра хуҫине тавӑрса парӗҫ. Арҫын тӗлӗшпе пуҫиле ӗҫ пуҫарнӑ.

#Ҫӗнӗ Шупашкар, #вӑрӑсем, #пӑтӑрмахсем, #йӗрке хуралҫисем