Чӑваш Енре Роспотребнадзор управленийӗн пуҫлӑхӗн упӑшки пулнӑ ҫынна айӑпланӑ. Ӑна пӗтӗмӗшле режимлӑ колоние 5 ҫул та 5 уйӑхлӑха ӑсатма йышӑннӑ.

Ҫав арҫын «Гранта» автомашинӑпа ҫынна ҫапса хӑварнӑ, лешӗ инкек вырӑнӗнчех вилнӗ. Ҫӑмӑл автомобиль водителӗ инкек вырӑнӗнчен тапса сикнӗ. Машинӑна водитель пӗр ялта пытарнӑ.

«Руль умӗнче» порталта хӑш-пӗр ҫынсем пӗлтернине тӗпе хурса хыпарланӑ тӑрӑх, Луговскойсем уйрӑлнӑ.

Ҫул ҫинчи инкеке арҫын пӗлтӗрхи чӳк уйӑхӗн 18-мӗшӗнче «Атӑл–Сӗнтӗрвӑрри» ҫул ҫинче ҫакланнӑ. Федераци тӳри-шарин ячӗпе ҫыртарнӑ машинӑна ҫул-йӗр хӑрушсӑрлӑхӗн инспекторӗсем ҫывӑхри ялсенчен пӗринче шыраса тупнӑ.

Тытса чарнӑ хыҫҫӑн Луговской айӑпа йышӑннӑ, ҫул ҫинче ҫын утнине хирӗҫ килекен машина ҫуттине пула асӑрхаймарӑм тесе ӑнлантарнӑ. Хӑраса ӳкрӗм, полицие кайма хӑюлӑх ҫитереймерӗм тесе каланӑ.

2009 ҫулта Луговской судпа айӑпланнӑ. Ун чухне ӑна руль умне ӳсӗр ларса ҫул ҫинчи инкеке лекнӗшӗн явап тыттарнӑ.

#ӳсӗрсем, #водительсем, #Роспотребнадзор, #машинӑсем, #инкексем, #судсем