rbc.ru сайтри сӑн

Улатӑр районӗнчи Стемас ялӗнче 16 ҫулти каччӑ ентешӗсен ылтӑнӗсене вӑрланӑ.

Следовательсем пӗлтернӗ тӑрӑх, вӑл ака уйӑхӗн 9-мӗшӗнче ентешӗн ҫуртне кӗнӗ. Унта вӑл ылтӑн эрешсене тата телефон вӑрланӑ. Пӗтӗмпе – 30 пин тенкӗлӗх.

Унччен вӑл тепӗр ентешне шар кӑтарнта: лумпа усӑ курса чӳречене хирсе кӑларнӑ та картише кӗнӗ. Унта вӑл электричество пралукӗсем вӑрланӑ. Хуҫине 2 пин тенкӗлӗх тӑкак кӳнӗ.

Каччӑ тӗлӗшпе пуҫарнӑ уголовлӑ ӗҫе Улатӑр районӗн сучӗ пӑхса тухӗ.

#Улатӑр районӗ, #вӑрӑсем, #Стемас, #вӑрӑсем