Ҫак кунсенче Чӑваш Енри икӗ спорстмен пысӑк ҫитӗнӳпе палӑрнӑ.

Вӗсенчен пӗри – Владислав Поляшов гимнаст. Раҫҫейӗн спорт гимнастики енӗпе иртекен чемпионатӗнче мӑшӑр кашта ҫинче хусканусем туса вӑл ылтӑн ылтӑн медале тивӗҫнӗ. Ӑмӑрту Пенза хулинче иртнӗ. Чӑваш Енри спортсмен маларах Федерацин Атӑлҫи округӗнчи тупӑшура нумай енлӗ ӑмӑтура кӗмӗл медале ҫӗнсе илнӗ.

Сергей Козырёв ирӗклӗ мелпе кӗрешсе Раҫҫей чемпионатӗнче ҫӗнтернӗ. Вӑл 125 килограмчченхи виҫере ӑмӑртнӑ. Спорт тупӑшӑвӗ Улан-Удэре иртнӗ. Сергей Козырёва Чӑваш Ен Элтеперӗ Олег Николаев саламланӑ.

Республикӑн Спорт министерствинче пӗлтернӗ тӑрӑх, ку вӑл – историлле ҫитӗнӳ. Спортӑн ку енӗпе пирӗн республика спортсменӗсем юлашки хут 1984 ҫулта ҫӗнтернӗ. Ун чухне Иван Григорьев палӑрнӑ.

#спортсменсем, #Спорт министерстви, #ӑмӑртусем, #спорт, #ҫитӗнӳсем