Шӑматкунлӑхра

Ҫуркуннехи экологи шӑматкунлӑхӗсем Шупашкар хулинче ҫу уйӑхӗ таранах тӑсӑлаҫҫӗ. Паянхи куна ҫак пархатарлӑ ӗҫӗ 107 127 ҫын хутшӑннине паллӑртнӑ. Вӗсем шутӗнче министерствӑпа ведомство ӗҫченӗсем, студентсемпе предприятисен ӗҫчахӗсем тата хулари тӗрлӗ организацисем.

Пӗр вӑйпа, хастарлӑхпа хула ҫыннисем Шупашкарти тӗрлӗ лаптӑкӗсене, пӗтемӗшлӗ 4 800 куб.м. муниципаллӑ каяшсем тата 348 куб.м. йывӑҫ турачӗсенчен тасатнӑ пулнӑ-мӗн. Хула администрацийӗ пӗлтернӗ тӑрӑх экологи шӑматкунлӑне РГСУ, педуниверситет, механико-технологи, машин тӑвакан, электромеханика техникумӗсем, №23 училище вӗрекенӗсемпе пӗр тан Чӑваш Патшӑлӑх Минэкономаталанӑвӗн ӗҫченӗсем, Республика пуҫлӑхӗн администрацийӗ, ЧП Минстрой, Патшалӑх канашӗ, хула, район администрацийӗсем, Хулакомимущество, «Земельное управление» МКУ организаци сотрудникӗсем хастар хутшӑннӑ.

Пӗтемӗшлӗ вара кӗске вӑхӑт хушшинче Ачасен пултарулӑх кӗрменӗ хыҫӗнчи самаях ҫӳп-ҫаплӑ 1 лаптӑк тасалнӑ, 2 ҫӗнӗ «симӗсленнӗ» вырӑн пуҫарӑннӑ тата 11 йывӑҫлӑ-курӑклӑ ҫӗре тасатса ҫӗнӗ сӑн кӗртнӗ.

Акан 25-мӗшӗ тӗлнеллӗ Шупашкар хулинче 1297 симӗс йывӑҫ-тӗмӗсем ҫӗнӗрен лартнӑ: 137 йывӑҫ тата 1160 тӗмӗ.

Йывӑҫсемпе тӗмӗсене лартнисӗр пуҫне вӗсене касас ӗҫ те хастар пырать. Мэрире пӗлтернӗ тӑрӑх паянхи куна Республикӑн тӗп хулинчи 557 йывӑҫа касма ирӗк панӑ, вӗсенчен 342 ваклама та ӗлкернӗ.

Ҫавах хула тасалсах ҫитеймен-ха — хула тӑрӑх уҫӑлса ҫӳрекенсем тӗп урамрах тӗрлӗ ҫуп-ҫап сахал мар вӗҫнине асӑрханӑ.

#Шупашкар, #шӑматкунлӑхсем, #йывӑҫсем, #каяш