Greatsvadba.ru сайтри сӑнӳкерчӗк

Чӑваш Енри суд приставӗсем парӑмсӑр ҫынтан парӑм шырас тенӗ. Юри мар-ха. Йӑнӑшпа.

Шупашкар районӗнчи Мускав районӗнчи суд приставӗсем патӗнче парӑма шыраса илмелли йышӑну ҫитсе выртнӑ. Парӑма шалуран тытса юлма йышӑннӑ чух суд приставӗсем пӗр пек ятлӑ тепӗр ҫын ятне-хушаматне кӑтартнӑ. Никама пӗр пус тӳлемелле мар ҫын (вӑл ҫӗршывӑн Ҫурҫӗр енчи регионӗнче пурӑнать иккен) тӗлӗннипех ҫырлахман, Шупашкар хулин Мускав район прокуратурине ҫӑхавланӑ. Теп хулан Мускав районӗнчи суд приставӗсем йӑнӑшнине йышӑннӑ. Хайхи ҫынна пӗр пек ятлӑ ҫынсен реестрне кӗртессине пӗлтернӗ.

Кӑштах пурӑнсан приставсем каллех ҫав ҫыннӑн счёчӗсене арестленӗ. Хальхинче вара прокуратура Федерацин суд приставӗсен Чӑваш Енри управленине кӑлтӑка пӗтерме ыйтса хут ҫырнӑ.

#пӑтӑрмахсем, #судсем, #приставсем, #Шупашкар, #прокуратура