Евгения Захарченко. ЧР Спорт министерствин сайтӗнчи сӑнӳкерчӗк

Чӑваш Енӗн спортсменки Евгения Захарченко Таллинти ӑмӑртура кӗмӗл медале ҫӗнсе илнӗ. Евгения ирӗклӗ мелпе кӗрешет. Таллинта хӗр юниорсен тӗнче ӑмӑртӑвне хутшӑннӑ.

Чӑваш Ен Спорт министерствин пресс-служби пӗлтернӗ тӑрӑх, пирӗн ентешӗмӗр 72 килограмчченхи виҫере кӗрешнӗ.

Раҫҫейӗн ытти спортсменки те ӑмӑртура тивӗҫлипе палӑрнӑ. Хӗрарӑмсен пӗрлештернӗ команди Таллинтан 3 кӗмӗл тата 3 бронза медальпе таврӑннӑ. Кӗмӗл медале Дарья Хвосткова тата Мария Лачугина 50 килограмчченхи тата 62 килограмчченхи виҫесенче ҫӗнсе илнӗ. Мария Тюмерекова 53 килограмчченхи хӗрсем хушшинче бронза медале тивӗҫнӗ, Мария Лачугина — 62 килограмчченхисем хушшинче, Ханум Валиева — 68 килограмчченхисен ушкӑнӗнче.

#Спорт министерстви, #спорт, #ӑмӑртусем, #ҫамрӑксем, #спортсменсем