Шупашкарта ӗнер, кӑрлачӑн 12-мӗшӗнче, Шупашкарта хӗрарӑма машина ҫапса хӑварнӑ.

Чӑваш Енӗн Шалти ӗҫсен министерствин пресс-служби пӗлтернӗ тӑрӑх, автомобиль ҫулӗ урлӑ пассажирсене иртмелли каҫӑ ҫинче пулса иртнӗ.

Инкеке ҫамрӑк хӗрарӑм лекнӗ. 28 ҫултискерне 44-ри водитель ҫапса кайнӑ. Пӑтӑрмах Шупашкарти Эгер бульварӗнче 14 сехет те 40 минут тӗлӗнче пулса иртнӗ.

Инкеке лекнӗ хӗрарӑм пуҫне амантнӑ. Ӑна пульницӑна илсе кайнӑ. Водитель хамӑр ҫӗршывра туса кӑларнӑ машинӑпа пыни паллӑ.

Чӑваш Енӗн Шалти ӗҫсен министерствин пресс-службинче паян пӗлтернӗ тӑрӑх, халӗ инкек сӑлтавне тӗпчеҫҫӗ. Кайран тӗпчевҫӗсем тивӗҫлӗ йышӑну тӑвӗҫ. Руль умӗнчи арҫынна мӗнле явап тыттарасси те каярах паллӑ пулӗ.

#машинӑсем, #инкексем, #Шупашкар, #ҫул-йӗр