Милана Ильдуганова

Ӗнер, юпан 26-мӗшӗнче, Хусанти Тутарсен культура центрӗнче «Тутарстан чӑваш пики-2011» конкурс иртрӗ. Ҫак илемпе тавҫӑрулӑх ӑмӑртӑвне пурӗ 11 пике хутшӑнчӗ — Тутарстанӑн тӗрлӗ енчи кӗтесӗсенчен, тӑрӑхӗсенчен.

Кашни пике хӑйне пур енчен те кӑтартма тӑрӑшрӗ — малти вырӑна тухас тесе ӑнтӑлчӗ. Пурте илемлӗ, пурте маттур, анчах тем тесен те пӗрремӗш вырӑнӗ пӗрре кӑна. Ҫавӑнпах пулӗ пахалавҫӑсем те чылайччен канашласа ларчӗҫ, тивӗҫлине суйларӗҫ.

Вӗсен пӗтӗмлетӗвне пӗлтернӗ хыҫҫӑн ҫакӑ паллӑ пулчӗ:

• «Сувар» пики — Татьяна Батырова (Элмет районӗ)

• 1-мӗш вице-мисс — Ирина Морозкина (Теччӗ хули);

• 2-мӗш вице-мисс — Марина Сапожникова (Нурлат хули);

• Чӑваш пики-2011 — Милана Ильдуганова (Алексеевки районӗ).

Мӗнех, тепӗр уйӑхра Миланӑн Шупашкара килме тивӗ — кунта унӑн «Раҫҫей чӑваш пики» ӑмартура Тутарстан тӑрӑхне тивӗҫлӗ кӑртармалла пулӗ. Регионсен шайӗнчи илем конкурсӗ чӳкӗн 3-мӗшӗнче иртӗ. Ӗнерхи ӑмартӑва курма вӑхӑт тупайманнисем Миланӑна унта хавхалантарма пултарӗҫ!

Сӑнсем (69)

#Тутарстан, #Чӑваш пики, #Алексеевски районӗ, #Нурлат, #Теччӗ, #Элмет районӗ