Тайваньте иртекен Пӗтӗм тӗнчери ҫуллахи Универсиадӑра пирӗн гимнастсем ҫитӗнӳпе савӑнтарнӑ. Унта Дарья Спиридонова, Евгения Шелгунова, Владислав Поляшов хутшӑннӑ.

Тунтикун хӗрарӑмсем спорт гимнастики енӗпе ӑмӑртнӑ. Унта Раҫҫейӗн пӗрлештернӗ команди мала тухнӑ. Команда йышӗнче пирӗн ентешсем те пулнӑ. Иккӗмӗш вырӑна Япони гимнасткисем йышӑннӑ, виҫҫӗмӗш вырӑна – Канада спортсменӗсем.

Кӑштах маларах арҫынсен командисем вӑй виҫнӗ. Раҫҫей командинче Владислав Поляшов та пулнӑ. Пирӗннисем пӑхӑр медаль ҫӗнсе илнӗ.

Паян Универсиада вӗҫленнӗ. Хальхинче Дарья Спиридонова харпӑр ӑмӑртура мала тухнӑ. Иккӗмӗшпе виҫҫӗмӗш вырӑнсене Германи тата Канада спортсменкисем пайланӑ.

#спорт, #Универсиада, #гимнастика