Пуш уйӑхӗн 6-мӗшпе 11-меш кунсем хушшинче пирӗн сайт ҫак хыпарсене ҫутатрӗ (яланхи пекех вӗсене чи нумай пӑхни тӑрӑх вырнаҫтарнӑ):

• ЧНК пресс-ҫыруҫипе Зоя Яковлевӑпа пулса тухнӑ пӑтӑрмах пирки каласа патӑмӑр;

• 6 уйӑхри ача мӗнле сӑлтава пула вилнӗ амашӗ ҫумӗнче икӗ кун ирттерни пирки хыпарларӑмӑр;

• Пирӗн тӑрӑхри хӑш прокурора Путин хушӑвӗпех ӗҫрен кӑларнине пӗлме пултартӑр;

• Иркутск облаҫӗн кӗпернаттӑрӗ те чӑвашсене пулашма хатӗрри ҫинчен систертӗмӗр;

• Марина Карягина мӗнле ҫӗнӗ стиле алла илме шут тытни те пире кӑсӑклантарчӗ;

• Воспитательсемпе вӗрентекенсен ӗҫ укҫин чӑн виҫине пӗлтертӗмӗр;

• Трак Енри «Чӑваш пикинче» кам ҫӗнтенине пӗлме пултартӑр;

• Халах юррисене сахал мар ҫырса илнӗ Земфира Яковлевӑна мӗнле тава тивӗҫлӗ ят пани пирки хыпарларӑмӑр;

• «Асамат & Шевле» журнал укҫа ӗҫлесе илме мӗнле май туса панине пӗлме пултартӑр;

• Алексей Кизилов тухтӑра мӗнле ӑшӑ пукан лекни ҫинчен те каласа патӑмӑр.

Ку вунӑ хыпарпа вулакансем ыттисенчен ытларах кӑсӑкланнӑ. Ҫавах та ку эрнере ытти интереслӗ хыпар та пулчӗ. Эпир сире мӗнле йытӑсем чӑвашла вӗрни пирки, ҫулталӑк пуҫламӑшӗнчен пуҫласа миҫе ача шар курни ҫинчен, «Кӗрӗк» патӗнчи каҫӑ хӑҫанччен нушалантарни пирки, «Чӑвашавтотранс» ӗҫченӗсем Чапаев палӑкӗ патне мӗн сӑлтава пула тухни ҫинчен, Сӑр тата Мӑн Ҫавал юханшывсем нормӑран тухнӑ е тухманни пирки каласа патӑмӑр.

Яланхи пекех эрнене пӗтӗмлетсе унӑн ятне пӗлтеретпӗр. Пирӗн шутпа ӑна «Конкурссем тата нашана лекнӗ ача-пӑча эрни» теме пулать.

#эрне хыпарӗсем, #ЧНК, #конкурссем, #Красноармейски районӗ, #ачасем, #культура, #ӗҫ укҫи, #ӗҫ вырӑнӗсем