Паян, нарӑс уйӑхӗн 12-мӗшӗнче, Австрири Хохфильценра биатлон енӗпе Тӗнче чемпионачӗ иртнӗ. Унта пирӗн ентеш Татьяна Акимова ӑмӑртнӑ.

Шел те, Татьяна хальхинче малти вырӑна йышӑнайман. Вӑл ӑмӑртура финиша 18-мӗш ҫитнӗ.

Пирӗн ентеш пӑшалтан персе виҫӗ йӑнӑш туни ура хунӑ. Спортсменсем тӑватӑ хутчен пенӗ: иккӗ выртса тата иккӗ тӑрса. Старта Раҫҫей командинчен пӗтӗмпе тӑватӑ спортсмен тухнӑ. Вӗсем 10 ҫухрӑма парӑнтарнӑ.

Раҫҫей спортсменкисенчен чи лайӑх кӑтартупа Ирина Старых палӑрнӑ. Вӑл финиша тӑваттӑмӗш ҫитнӗ. Унтан — Татьяна Акимова. Светлана Слепцова — 24-мӗш, Ирина Услугина 39-мӗш пулнӑ.

#тӗнче чемпионачӗ, #биатлон, #спорт, #Хохфильцен, #Австри