Татьяна Акимова

Чӑваш Енри маттур биатлонистка Татьяна Акимова Норвегире иртнӗ тӗнче чемпионатне хутшӑннӑ. Вӑл пуш уйӑхӗн 9-мӗшӗнче иртнӗ.

Ӑмӑртура хӗрарӑмсем 15 ҫухрӑма чупса тупӑшнӑ. Чи маттурри Францири Мари Дорен-Абер пулнӑ. Шел те, Раҫҫей спортсменкисем пьедестал ҫине хӑпарайман.

Татьяна Акимова тӗнче чемпионатне пӗрремӗш хут хутшӑннине палӑртмалла. Вӑл ӑмӑртура виҫӗ хут тӗл лектереймен, ҫавӑнпа 39-мӗш вырӑн ҫеҫ йышӑннӑ.

Татьяна юлашки ҫаврӑмра ӳкнӗ. Пенӗ чухне вӑл тӗл лектереймен. Ҫакна вӑл ывӑннипе е психологипе ҫыхӑнтарнӑ.

#тӗнче чемпионачӗ, #биатлон, #спорт, #Норвеги