Шупашкарти пӗр пульницӑра ӗҫлекен хирург тата васкавлӑ медпулӑшу тухтӑрӗ хӑйсен ӗҫне тивӗҫлипе пурнӑҫламаншӑн суд сакки ҫине ларӗҫ.

59 ҫулти арҫынна пациент вилӗмӗшӗн айӑпласшӑн. РФ Следстви комитечӗн Чӑваш Енри следстви управленийӗ пӗлтернӗ тӑрӑх, 2015 ҫулхи утӑ уйӑхӗн 26-мӗшӗнче васкавлӑ медпулӑшупа пациента пульницӑна илсе килнӗ. Тӗрӗс куҫпа хаклас тӑк, ӑна тӳрех пульницӑна вырттармалла пулнӑ. Анчах хирург ҫакна туман, пациента киле янӑ.

Чирлӗскер килте хӑйне тата япӑхрах туйнӑ. Унӑн арӑмӗ васкавлӑ медпулӑшӑва шӑнкӑравланӑ. Анчах арҫынна каллех пульницӑна вырттарма хирӗҫленӗ. Утӑ уйӑхӗн 29-мӗшӗнче вӑл килтех вилсе кайнӑ.

Ку ӗҫе кӗҫех суд пӑхса тухӗ.

#пульницӑсем, #судсем, #сывлӑх, #Шупашкар