Кăвак çĕмрен :: Харкамăн хăйĕн ăраскал

Улăхрăм çӳлĕ ту çине,

Улăхрăм çӳлĕ ту çине

Хура çĕлене вĕлерме.

Хура çĕлен тирĕнчен,

Хура çĕлен тирĕнчен

Хура калпак пустартăм.

Хура калпак таврашне,

Хура калпак таврашне

Вуник ярапа яртартăм.

Хурă калпак ярапи,

Хура та калпак ярапи

Куллен те пĕри татăлчĕ.

Пире ырă сунакан,

Пире те ырă сунакан

Куллен те пĕри хутшăнтăр.

Пире те хаяр сунакан,

Пире те хаяр сунакан

Куллен те пĕри иксĕлтĕр.

Чăваш халăх юрри.

Тупмалли