Кăвак çĕмрен :: Кĕрешĕве çĕкленнисем
Атăлăн çыранĕ, ай, çӳллĕ-çӳллĕ, —
Вĕрене те ӳсет кашласа.
Вĕренене паян вут хыпрĕ пуль,
Вут çĕкленет çӳле явăнса,
Ман тăванăн та, ай, чунĕ пек,
Ман тетемĕн çунан чунĕ пек.
Атăлăн çыранĕ, ай, çӳллĕ-çӳллĕ, —
Пилеш ӳсет унта кашласа.
Пилеше те паян вут хыпрĕ пуль,
Вут çĕкленет çӳле явăнса,
Ман тăванăн та, ай, чунĕ пек,
Ман йăмăкăн çунан чунĕ пек.
Атăлăн çыранĕ, ай, çӳллĕ-çӳллĕ, —
Хурама та ӳсет кашласа.
Хурамана паян вут хыпрĕ пуль,
Вут çĕкленет çӳле явăнса,
Мана çывăх çыннăн, ай, чунĕ пек,
Савнă аттен çунан чунĕ пек.
Атăлăн çыранĕ, ай, çӳллĕ-çӳллĕ, —
Ăвăс ӳсет унта кашласа.
Ăвăса та паян вут хыпрĕ пуль,
Вут çĕкленет çӳле явăнса.
Мана çывăх çыннăн, ай, чунĕ пек,
Савнă аннен çунан чунĕ пек.
Атăлăн çыранĕ, ай, çӳллĕ-çӳллĕ, —
Юман ӳсет унта кашласа.
Юмана та паян вут хыпрĕ пуль,
Вут çĕкленет çӳле явăнса,
Чăваш халăхĕн те, ай, чунĕ пек,
Чăваш çыннин çунан чунĕ пек.
Чăваш халăх юрри.
Шухăшсем
Ready to energize your website vi...
Is your website chuvash...
Get more leads for your chuvash...
Struggling with a sluggish websit...
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...
Сахал сăмахсемпех питĕ тарăн шухăшсем уç...
Мана питĕ килĕшрĕ...