Эх, Турăçăм, Турăçăм!..
Эх, Турăçăм, Турăçăм!
Пур-и эсĕ, çук-и эс?
Сана пĕрре вăрçмăттăм —
Анчах вăрçма хал çитмест.
Мĕншĕн эсĕ çынсене
Ытла питĕ чармастăн?
Мĕншĕн эсĕ вĕсене
Пит ирĕке яратăн?
Эпĕ, сан пек пулсассăн
Ирсĕрленме памăттăм!
Сан пек вăйлă пулсассăн —
Çылăх çипне татăттăм!
Пĕтĕм этем чĕрине
Вĕр çĕнĕрен тăвăттăм,
Пĕтĕм çылăх шухшине
Пуçа кĕме памăттăм.
Çынсен манăн алăра
Усал тума пĕлмĕччĕç,
Хуть те мĕнле вăхăтра
Пĕр ырă çех тăвĕччĕç.
Ваттисене пчиккисем
Тайла-тайла çӳрĕччĕç,
Ясар, вăрă чĕресем
Вăл çынлăха тумĕччĕç.
Никам урам варринче
Эрех ĕçсе ӳкмĕччĕ.
Святой ӳсĕ умĕнче
Çын карманне касмĕччĕ.
Вырсарни кун çитсессĕн,
Хам чирĕке пухăттăм.
Чирĕкăшне кĕрсессĕн,
Кулкалама памăттăм.
Сан пек пулсан, кашнине
Пĕр пек татăк парăттăм.
Ытлашшине — çуккине
Пай памалла тăвăттăм.
Шухăшсем
Your website, chuvash...
Is your chuvash...
Get additional leads for your chuvash...
Is your website chuvash...
Предлагаем вам высококачественный трот...
Ready to enhance your website aud...
Is your website chuvash...
Ready to drive your website succe...
Is your website chuvash...
Замечательное поэтическое творение...