Йĕкел

Кăвак тӳпе те сар хĕвел,

Ем-ешĕл курăк.

Пиçет юман çинче йĕкел —

Пулас çĕн пурнăç.

Пăхсассăн, вăл тетте кăна —

Яка та сарă.

Епле вăл кĕрĕ юмана

Ӳсме вăй парĕ?

Ăçтан вăл илĕ-ха хăват

Терте çĕнмешкĕн?

Вĕт кирлĕ çĕкленме çунат,

Тымар — ӳсмешкĕн.

Тук-тук, эс чĕрĕ-и, йĕкел?

Шалта мĕн санăн,

Çимест-и шĕкĕ е элчел,

Сӳнмен-и шанăç?

Апла пулсан тымар ярса

Кăлар эс çулçă.

Çил-тăвăла тӳс авăнса,

Анчах ан хуçăл.

Кĕреш юман çурат, йĕкел, —

Вăрман илемĕ.

Ан парăн вăхăта. Йĕкер

Пулма тĕлем-и?

Çĕнĕ комментари хуш