Çăкалăх
Ялĕ пирĕн — Çăкалăх,
Çăка ларатъ касран-кас.
Çырла çисе пăхмалăх
Çумăн ӳсет катăркас.
Курăс хутса пултартăм
Вĕрен явас шухăшпа.
Çак сăмаха каларăм
Ырă сунас кăмăлпа.
Çăкалăхра — хăналăх,
Килсе курăр, тăвансем.
Шăрттан туса хумалăх
Пулчĕç пирĕн майĕсем.
Трак пуххинче тутанăр
Çăка пылĕн сăрине,
Çăкалăхра сăйланăр
Сăй сăлтавĕ пур чухне.
Тăванăмсем, ан манăр
Ешĕл çăка ĕшнине,
Çăкалăхри тăванăр
Сире ялан кĕтнине.
Çĕнĕ комментари хуш
Шухăшсем
...
...
"Шăнăçман" глаголăн пĕлтерĕшне Акапас...
Мана уйрăмах калав вĕçĕ килĕшрĕ! Пилĕк м...
Кулмалли, тăраниччен кулмалли калавсем ...
Кун пек вăйлă произведени чăваш литерату...
Çеçпĕл ман юрату! Ăна пĕлмен Çынсенчен э...
Эпĕ Çеçпĕле мĕн тери юратнине никам та с...
Тринкки-тринкки сикекен Шăрчăк тусăн, юр...
Мана çав тери Крыловăн юптарăвĕсем килĕш...