Саншăнах


Юрă пек, юмах пек Шупашкарăн

Çăкисем çеçке çурнă чухне

Эп çеçке пулмашкăн шухăшларам,

Юрату лартмасть-ши çеçкене!

 

Юрă пек, юмах пек Шупашкарăн

Пикисем вăййа тухнă чухне:

Санпала сăмах эп тупаймарăм,

Юратăвăн вутлă сăмахне.

 

Юрă пек, юмах пек Шупашкарăн

Каччисем ташша çапнă чухне

Ман ташша-тĕрре эс кураймарăн,

Юратăвăн вутлă ташшине.

 

Юрă пек, юмах пек Шупашкарăн

Пикисем юрра янă чухне

Саншăнах эп юрăсем юрларăм,

Юратăвăн вутлă юррине.

 

Юрă пек, юмах пек Шупашкарăн

Çăкисем çеçке çурнă чухне

Эп çеçке пулмашкăн шухăшларăм,

Юррăмпа эп лартăм çеçкене.

Вулавçăсен шухăшĕ Вулавçăсен шухăшĕ


sveta220177 (2012-10-02 22:52:40):

Пите килешре. Юра тума юрать-ши?

 

Лĕпĕшпи (2012-10-03 23:14:09):

Чун юрласан юрă хăех çуралать.

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн

 

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: