Электронлă вулавăш

Хĕвел ансан,

Вăййа тухсан,

Аш çунать те, çын курмасть,

Купăс тытсан,

Сана курсан,

Юрламасăр чун чăтмасть.

Эс те шăпчăк,

Эп те шăпчăк,

Юрату юрлаттаратъ.

Юрату юрлаттарать те

Чĕрене ыраттарать.

Ирпе тăрсан,

Ĕçе тухсан,

Çумра савни курăнмасть.

Савни çукран,

Çумра çукран,

Юрламасăр чун чăтмасть.

Эс те шăпчăк,

Эп те шăпчăк,

Юрату юрлаттарать.

Юрату юрлаттарать те

Чĕрене ыраттарать.

Савни пулсан,

Пĕрле пулсан,

Вăхăт иртнĕн туйăнмасть.

Эс юратсан,

Эп юратсан

Юрламасăр чун чăтмасть.

Эс те шăпчăк,

Эп те шăпчăк,

Юрату юрлаттарать.

Юрату юрлаттарать те

Мăшăра çунат парать.