«Çухату йӳççипе ӳсĕртес пек…»
Çухату йӳççипе ӳсĕртес пек
Самана курмăшне ĕçтерет.
Хăнăхса. Тăнăма тивеймест тек —
Ӳпĕнтернĕ черкке — кур — ĕрет!
Черкке мар — этемех — пушă-пушă —
Тумламшар сыпайсан çеç, ами.
Катăкрах иккени пит хăрушă —
Нихăçан тулаймасть шăлами.
Çурăкран юхтарать... Сапламалăх
Шет, ăстай та мехелĕм пурах.
Ĕлĕк чух хупласа — асăнмалăх
Тăмхаларĕç "ухмах" сăмахпах.
Хĕрхенсен те мĕскер халь тăвайăп?
Хитрипе улталанăр апла.
Эп катман. Умăрта та пĕр айăп —
Асăрхарăм темме кăлтăка...
Шарламасăр тухатăп — утатăп,
Ларса юрлăр, эппин, çакăнта.
Суеçпе хăраканăн пĕр калăп —
Маларах пуçласси чăнклатма.
Чăнкăлтатчăр ара вăхăт-вăхăт —
Черккесемшĕн паха кĕреке.
Самана улшăнсан эп те пăхăп —
Кам валли тултарать ирĕке.
Шухăшсем
Get more leads for your chuvash...
Every day, websites like chuvash....
Wanting to amplify your website r...
Your website, chuvash...
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...
Сахал сăмахсемпех питĕ тарăн шухăшсем уç...
Мана питĕ килĕшрĕ...