«Хусах Çĕрле çăра чейне…»

Мальвина Петрова | Сăвă | 359


Хусах Çĕрле çăра чейне

Тултарчĕ чалкăр1 тӳпене...

Шап-шурă сахăр катăкне

Тĕпретрĕ вĕттĕн, майĕпен...

 

...Унтан пăтратрĕ ерипен:

Хускалчĕ авăрта илем,

Саланчĕ ирĕлсе хĕлхем

Пĕри юлми пин пĕрчĕрен...

 

...Вĕри иккен — вĕре-вĕре

Сыпать телейлĕн техĕмне2.

Пылак иккен, пылак сĕре —

Тутанĕ — тупĕ вĕçĕмне...

 
1 чалкăр – витĕр курнакан
2 техĕм — тутлăх

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: