«Паянах!..»

Мальвина Петрова | Сăвă | 383


Паянах!.. Ĕнерпе мăшăрланĕ Ыран!

Туйĕнче ташласа-юрласа юлмасан

Кивçенле кун илме ан та хăй Ватлăхран —

Шăлсăрскер курпунпа явăçаймĕ асам.

 

Ăраскал — мыскара, мешехин1 пур йĕрке —

Ăсупа чун-чĕрӳ пулччăрин кӳнтĕлен2.

Пурнăç хăй макăрса савăнмалăх пирке3 —

Алтăрне тыт паян — Вилĕмрен эмеллен.

 
1 мешехе – йăла-йĕрке
2 кӳнтĕлен – курнине çирĕплетекен
3 пирке — повод, причина

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: