«Сассу касса кĕрсен сасартăк…»

Мальвина Петрова | Сăвă | 547


Сассу касса кĕрсен сасартăк

Ăшра хускалчĕ вăй-хăват...

Камах çăлайĕ, тус, эс мар-тăк?

Пăтрат! Пăлхат: сӳнес кăвайт

Сана кĕтсех хĕлхем упрать.

 

Хурса хăвар çунмалăх вутă:

Пĕрер-пĕрерĕн çăтнă май

Саланĕ ăшă, ырă, çутă

Тăсмалăх пурнăçа самай...

Сана хăвна пулать сăвап.

 

Манпа санран йăл илнĕ çулăм

Çурса ваклать хура каçа...

Инçе кайса таçта та пулăн,

Анчах тухаймĕ манăçа

Сана иленнĕ çут кăвайт.

 

Куратăн хăв: ялтравлă куллăм

Çутатĕ такăр мар çулна.

Ырсан — вăйпа сисмесĕр тулăн

Хускатĕ ăшшăмçăм юнна.

Сана валли хĕлхем пурах.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: