Ĕмĕт


Çул хĕрринчех сар чечек

Кăпкаланчăк сар çӳç пек.

Чылай тăтăм тинкерсе,

Аса илтĕм савнине.

 

Çӳлте шăпчăк юр юрлать,

Çамрăк пике сасси пек.

Чылай тăтăм итлесе,

Илтрĕм савни сассине.

 

Хурăнлăхра шур хурăн

Йăрăс пӳллĕ пике пек.

Ыталарăм хурăна,

Кĕтĕм савни ытамне.

 

Çӳл тӳпере сар хĕвел

Ăшăтать çут тĕнчене.

Чылай тăтăм ăшăнса,

Туйрăм савни ăшшине.

 

Савăнăçлă кăмăлпа

Тухрăм эп тăван хире.

Сив çил сирчĕ ĕмĕте,

Хурлантарчĕ чунăма.

 

Йĕри-тавра пăхрăм та —

Чечек те çук, шăпчăк та,

Сар хĕвел те, хурăн та.

Юлтăм хуçăк кăмăлпа.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: