Эс пур чухне

Çулсем иртсен те чĕремре

Пачах сӳнмен-ха шĕл кăвар.

Эс пур чухне çак тĕнчере

Мана никам та кирлĕ мар.

Мана никам та кирлĕ мар,

Пĕр çулпала ялан утар!

Çут уйăх пек чипер сăнна

Куç илейми курас килет.

Саватăп пĕр сана кăна,

Чăн юрату телей пиллет.

Чăн юрату телей пиллет,

Пур инкекрен те хӳтĕлет!

Эс манпа чух, эп санпа чух

Пире çĕнеймĕ çичĕ ют.

Чăн юратăвăн вĕçĕ çук.

Çакна калатăп çĕр-пин хут!

Çакна калатăп çĕр-пин хут,

Ĕмĕр çулне манпа эс ут!

Çĕнĕ комментари хуш