Ытлашши, чĕлхем, эс калаçан...

— Ытлашши, чĕлхем, эс калаçан,

Пуш сăмах нумай-çке çаптаран, —

Пуç пĕрре ятлать тет чĕлхине, —

Кăшт тытма вĕрен тилхепӳне! —

Чим-ха, эсĕ мар-им тилхепем?

Эс калаçтаран-çке мана тем.

Эс мĕн хушнă, эп çавна тăвап,

Санăн шухăшна эпĕ калап.

Ху вĕрен-ха тĕрĕс уйлама,

Пĕлерех мана калаçтарма, —

Хуравларĕ тет чĕлхе лешне.

Пуçĕ тытрĕ тет вара... пуçне.

Çĕнĕ комментари хуш