Умсăмах


Тусăмсем! Эсир ешĕл çуркунне, çулла е кĕркунне Атăл, Сăрпа Çавал тăрăх çӳресе курнă-и? Мĕн тери илемлĕ, пуян та тараватлă вăл таврари çĕршыв! Шăнкăр-шăнкăр юхан шывсем, йăлтăр-йăлтăр кӳлĕсемпе ем-ешĕл улăхсем, вăш-вăш çил вĕрнĕ чух кăмăллăн пăшăлтатса, лăпкă ир-каç шăп-шăппăн ларакан вăрмансем, тинĕс евĕр курăнакан шав-хумлă тыр-пул уйĕсем… Мĕн тĕрлĕ чĕрчун, мĕнле кăна юрăçă кайăк çук-ши вăл ешĕл улăхсемпе вăрмансенче, пулăхлă та ырлăхлă уй-хирсенче! Кай та чуну каниччен, кăмăлу туличчен киленсе çӳре.

Анлă та мăнаçлă Атăл тăрăхĕнче те, Сăрпа Çавал таврашĕнче те пайтах пулса курма тӳр килчĕ мана. Мĕн курнине, мĕн пĕлнине çырса хутăм, сире те каласа парас терĕм.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: