Асамат кĕперĕ

Василий Шихранов | Сăвă | 496


Кăн-Кăвак тӳпе пĕр сассăр

Уçрĕ кантăкне.

Уярне пăхса тăмасăр

Тăкрĕ çумăрне!

Асамат кĕперĕ тухрĕ

Кӳршĕ ял енне.

Ман валли çулне пуль хыврĕ

Савнă тус патне!

 

Ан васка, тӳпе, тархасшăн

Кантăкна хупма.

Савнине-çке эп курасшăн,

Юрамасть юлма!

Асамат кĕперĕ тăвăр,

Каçаятăп-ши?

Савнă тус килтех-çке пултăр,

Ĕлкĕрейĕп-ши?

 

Асамат кĕперĕ пултăр

Пĕр самант кăна!

Ăшă çумăрĕ те çутăр

Васкатса мана!

Сан патна часах çитетĕп,

Кĕтсе ил, савни!

Чунăмпа шанса пĕлетĕп:

Эс — телей парни!

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: