Сиктермерĕн мана кĕленче сăпкара...1

Сиктермерĕн мана кĕленче сăпкара...

Сиктермерĕн мана кĕленче сăпкара,

Макăрсан пыл хумарăн тута-çăвара.

Анчах сансăр пуçне, ыр çĕршывăм,

Тĕнчере чи хакли тек пур-ши вăл?..

Акă савнă Пăла, вылянать-çке вăл тек,

Чĕр вăйне чĕреме иксĕлмесĕр парать...

Ак чечен сад пахчи, аппан шур пирĕ пек,

Çурхи кун шуралса ыр шăршне вăл сарать.

Ял хĕрри укăлча. Симĕсленнĕ калча

Хĕвелпе пĕрлешсе йăрăм-йăрăм юхать.

Сыв-и, ватă юман! Кунĕпех ачапча

Сан туйру айĕнче туй тăвать, çуйăхать.

Çут тăванлăхăм! Пар аллăна

Сан патна савăнса таврăнан ывăлна.

Ĕмĕтсен илемне, шухăшсен тупсăмне

Вăл санра çеç шырать, ыр çĕршывăм-анне!