Ан кулян

Пайăркан-пайăркан тăкăнать

Шур çеçке хĕр чĕрçийĕ çине.

«Юратать, юратмасть, пăрахать,

Çупăрлать хăй чĕрийĕ çумне».

Куçĕсем сар пикен шывланаç

Шур çеçке «юратмасть» кăтартсан.

Иксĕлми телейпе-çке тулаç

«Юратать» пайăркийĕ юлсан.

Ан кулян, сар пике! Ан хурлан!

Юратать вăл сана кăмăлтан.

Халлĕхе пытарать туйăмне,

Вăтанать калама сăмахне.

Юратать... Юратмасть... Пăрахать...

Çупăрлать хăй чĕрийĕ çумне.

Юрату хистесе тăкăнать

Шур çеçке хĕр чĕрçийĕ çине.

Çĕнĕ комментари хуш