Аллăмри чĕкеç

Василий Шихранов | Сăвă | чĕкеç | 503


Тӳпери акăшне тытаймарăм пулсан

Аллăмри чекеçпех çырлахас.

Кӳршĕ ял пикине юраймарăм пулсан

Мĕн тума чунăма çунтарас!

 

Шăпчăксен юррине итлес терĕм пулсан

Ыйхăран иртерех вăранас,

Юрату пулмасан, савнă тус пăрахсан

Пурпĕрех малалла пурăнас!

 

Тен, турри çырнине, ăраскал парнине

Тăрăшсах шырама кирлĕ мар?

Хурăнсем айĕнче юнашар ларнине

«Юрату ку» тени тĕрĕс мар?

 

Тӳпери акăшне, çунатне сарнине

Ăмсанса çӳлелле пăхас мар.

Аллăмри чĕкеçне, хăй вĕçсе килнине,

Ăнсăртран хăратса ярас мар!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: