Капӑр тум халь тӑхӑнатпӑр1

Капӑр тум халь тӑхӑнатпӑр

Тĕслĕх кăтартсам, куян,

Курăнар паян пуян,

Тăхăн капăр кĕпеме

Уявра халь çӳреме.

Тĕлĕнĕ атте-анне

Курсанах хĕр-куянне:

— Пирĕн килте пур иккен

Пит хитре куян-пике!

Ун валли принц тупмалла,

Лавккана васкамалла!..

Атте куян-принц туянĕ,

Савăнĕ пике-куянĕ.

Тяппипе принц пуçран шăлĕ —

Тăхăнтарĕ пуç кăшăлĕ:

— Эс — çураçнă хĕрĕм, — тейĕ,

Хĕр-куянăм хĕпĕртейĕ.

Куян туйĕ чаплă кĕрлĕ,

Пит нумай куян-тус вĕрлĕ —

Пăхĕç ман куян çине.

Сăнĕç мана — хуçине.