Çурхи пахча

Анатолий Ырьят | Сăвă | 286


Çурхи пахча шăплăхĕнче

Шăпчăк юрă шăратать.

Эпир — иккĕн, урăх тĕнче,

Вăхăт шуни васкатать.

 

Ӳсĕрĕлнĕ пек туятпăр,

Çитрĕ самант уйрăлма.

Хамăра хамăр суятпăр:

«Вăхăт пур-ха урăлма…»

 

Шăпчăк юрласа ывăнчĕ,

Вĕçрĕ йăвине канма…

… Пахча сывлăмпа çăвăнчĕ, —

Вăхăт çĕр çине анма.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: