«Çак тĕнчерех такамăн терчĕ...»

Марина Карягина | Сăвă | 1991 | 454


Çак тĕнчерех такамăн терчĕ,

Такам — хаваслă, ахăртне,

Улмалăх тăкрĕ те пĕтерчĕ —

Хĕле кĕрес чух — улмине.

 

Каллех туятăп — кĕвĕç евĕр,

Варли шанман пек варлине —

Кĕр кунĕн кăмăлсăр пуплевĕ

Пĕр маншăн çеç те маррине.

 

Ешентĕн пуль, кĕр, каçăн-ирĕн

Ман кăмăла сыхла-сыхла.

Пăхар та иккĕн хире-хирĕç

Сĕм кантăк витĕр — тунсăхлар.

 

Йĕрсен-йĕрсен, куççуль те типĕ,

Кулсассăн, кулă типĕ... Кул!

Таçта пĕрремĕш юр пĕрчи пек

Çуралчĕ çĕнĕ юрату.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем