Ан манса кай

Ан манса кай, парсам сас хăш чухне.

Чĕре ăшши пĕтмен-ха, ăшăнар пĕрле.

Ан манса кай, пĕлетĕн вĕт шухне.

Тăрсан-тăрсан çыру — сăмах пуххи тĕрле.

Ан манса кай, ыран та кун пулать.

Куççуль юхать. Типет. Йӳççи пылакланать.

Ан манса кай, хĕвел каллех ирпе тухать.

Хура йĕр шуралса чун шанчăкпа тулать.

Ан манса кай, тăван, ан кĕр ытла чĕрре,

Пурнатпăр çĕр çинче вăхăтлăха — пĕрре.

Ан манса кай мана, ан хурлансам сĕре,

Туйăм ăшши хĕрӳ — çĕнтерĕ вăл кĕре.

Çĕнĕ комментари хуш