Эх, кун-çулăм, пурнăçăм...

Ольга Австрийская | Сăвă | пурнӑҫ | 382


Эх, кун-çулăм, пурнăçăм,

Хаяр хĕрлĕ пăрăçăм,

Мĕншĕн пыл сĕнмерĕн-ши,

Е тиркет ку терĕн-ши?

 

Эх, кун-çулăм, пурнăçăм,

Пĕр çунатлă тусăмçăм,

Теприне ма хуçрăн-ши,

Ĕмĕте ма татрăн-ши?

 

Эх, кун-çулăм, пурнăçăм,

Чул хушшинчи çăлкуçăм,

Тертлĕн, çапах юхатăн,

Вăй-хал, сиплĕх паратăн.

 

Эх, кун-çулăм, пурнăçăм,

Каçар, Аслă Турăçам,

Каçар ӳпкелешнĕшĕн,

Парнӳне тиркенĕшĕн.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: