Хĕвелçаврăнăш

Алексей Воробьев | Сăвă | 1966 | 596


Хĕвелçаврăнăш эс акрăн

Сывлăм çунă лапама.

Халь чĕнет янравлă ахрăм

Ирĕн-каçăн такама.

 

Кар шăтса хăпарчĕ тикĕс.

Хĕр пулкки пекех, пăхсам:

Çăт тытан кĕпи сип-симĕс;

Пуç тавра сап-сар лавсан.

 

Çĕр ăна çапла çуратнă

(Те ку ырлăх, те инкек) —

Çаврăнать, пике юратнă

Каччине куç хывнă пек.

 

Тишкерсе пăхать хăюллăн

Йăлтăркка хĕвел çине.

Тăкăнать çут тенкĕн кулă

Кăвак çил серепине...

 

Серепи тулса та ларĕ,

Ну çапаххама та шеп:

Хĕвелçаврăнăш эп мар-и,

Эсĕ — куç илми хĕвел?

 

Йăл кулса çӳрен телейĕм

Ахрăм çеç пулсан вара,

Çут тĕнче варри эс тейĕн, —

Шав çӳретĕп сан тавра.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: