Вивальди


Епле хастар Вивальди «Кĕрĕ»1:

Ăçта салхулăх, ĕшенӳ?

Хĕвел-и çук? — Хĕвел пек кĕрĕ

Çак музыкăна — Тĕлĕнӳ!

Епле пуç çийĕн ялтратать вăл

Аллегрон ылтăн анлăшне, —

Унра — Тухăçлăха курать вăл,

Чыслать вăл кĕр çĕнтерĕвне.

Хĕвел анчах атте-и? Çил те,

Франциск каларăшле, — тăван!

Адажио ялтравĕ витĕр

Юра та — тăванла куран.

Поэт тата епле каланă, —

Шыва та вăл чĕнет: «Аппа!..»

Вивальди «Кĕрĕ»! — Çĕрĕн анĕ

Кĕрлет пек ылтăн хăватпа.

 
1 Итальянсен комлозиторĕн Вивальдин (1678—1741) «Кĕркунне» ятлă концерчĕ. Сăвăра асăннă Ассизи Францискĕ (1181–1226) — Итали поэзине пуçарса яракансенчен пĕри, унăн вăйăмĕ Данте пултарулăхĕнче сисĕнет.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: