Ак юрă...
Ак юрă. Е пĕччен, е иккĕн-виççĕн,
Е вуннăн-çирĕмĕн ăна юрлатпăр.
Вăл — пĕлĕт мар, хир мар, вăл космос мар.
Вăл — сакăр çаврăм. Вăхăчĕ те унăн
Юрлас пулсан кăшт çеç — сехетĕн пайĕ:
Ун чĕрĕкĕн çурри те пулас çук.
Анчах эп унăн виçине пĕлместĕп.
Хиртен вăл анлă. Вăл — халь пурнакан —
Мĕльюнлă халăхран та анлăрах:
Унра — ăна пĕрремĕш хут юрланă
Этем çеç мар,— мĕнпур историре
Хальччен юрланă пĕтĕм çын. Кашнийĕ.
Кашнийĕн туйăмĕ, — çак тĕнчере курни:
Тахçан такамшăн ялтăранă çăлтăр,
Тата — кайран — юлашки хут такамшăн
Хĕрелнĕ шуçăм... Çакă юрăра —
Пĕр пĕтĕмлĕ пĕр халăх: пуррисем,
Тахçан пур пулнисем, пулассисем,
Тӳпе те Çĕр... Мĕн евĕр Вилĕмсĕрлĕх!
Мĕй евĕр — Вĕçсĕрлĕх. Мĕн евĕр — Анлăлăх.
Çапла вăл, — «пĕчĕк юрă». Ак ăна
Хуллен пĕччен эс юрлама пуçлатăн,
Ним шутламасăр... Ху çав самантра
Ун пĕчĕк «вăхăчĕн» ăшне кĕрӳçĕн
Кĕретĕн — ун мĕн пур Вĕçсĕрлĕхне.
Эс халь — унра. Кайран — ăна юрлаймăн,
Çур ĕмĕртен-и пулĕ ку, ыран-и, —
Шăпланăн эсĕ... Çук, — шăпланăн темĕп.
Чĕррисемпе эс пулмăн. Пур пĕрех
Çак юрă — янрĕ, эс юрлаканскер,
Шăпланăн та — çак юрăра эс юлан.
Шухăшсем
Need a boost in website traffic? Our AI ...
Not getting enough leads for Chuvash? Ch...
Is your Chuvash website missing out on l...
Wanting to maximize your website ...
Want more targeted leads to your website...
Çитмĕлсенчен иртсен те, хаш сывлатпăр, А...
Цикори çинчен ытларах пĕлесшĕннччĕ ...
Замечательное поэтическое творение...
Аван çырнă вăл вăхăтра ...
Кам пĕлет И...