Электронлă вулавăш

Малтанах эп сана хапрăкра тĕл пултăм,

Сан çире чăвашсен улача кĕпиччĕ,

Уруна кив тăла, çăпата сырнăччĕ;

Тин ялтан килнипе эсĕ хăвăн вăйна

Хăюсăр параттăн тимĕре хускатма.

— Выçлăхпа ман ялта пурнăçăм тĕп пулчĕ,

Çурт-йĕрĕм пуяна ĕмĕре ман юлчĕ,

Мăшăрăм вилчĕ те, ачасем юлчĕçĕ,

Ĕмĕрĕм ман кунтах иртет пуль, — терĕн эс.

— Ан кулян, хапрăкра эс çеç мар ĕçлетĕн,

Юлташсем нумаййăн. Хапрăкра пĕрлешсе

Кĕрешсе илĕпĕр хамăра кирлине.

Çакăнта эс тупăн телейлĕ пурнăçна,

Кĕрешех пирĕнпе пĕрлешсе, — терĕмĕр.

Çак кунран вара эс чăнлăха тин пĕлтĕн,

Ĕçлекен кил-йышне хавассăн çыпăçрăн,

Яланах вăрçăра пĕрлсшсе çапăçрăн,

Ялăнти тăванна вăюпа пулăшрăн.

— Е çĕнес, е вилес — çапăçас, — терĕн эс.

Ирĕккĕн сывлатăн хапрăкра халь ĕнтĕ,

Савăнса пăхатăн хăв тухнă ял çине.

Кĕрешӳ пĕтмен-ха, ялĕ те япăх-ха,

Çирĕпрех çыхăнтар ялупа хапрăкна.