Çуралнă кун сăвви
Алюш ывăлăма
1
Паян тĕнче парни —
эс пиллĕк тултарни.
Санран инçе аçу...
Ак телеграф та çук.
Эппин, çак сăвăран
сан минтерне çити
ăсантăр ман ятран
шур кĕлчечек çути!..
Санпа халь вĕсене
сăнасчĕ çак садра —
аçу ачалăхне
упранă çĕр-шывра:
тахçан Карелире
эп пулнă — пиллĕкре...
2
Эс, кайăк юрри пек,
пĕр чĕвĕл-чĕвĕлпе
ялан асра, ăсра
«чи-чи» пулса янра:
чи çепĕççи эс, чи
сарри, кăвак куçли;
чи — асăм варринчи,
чи — ăшă сăмахли;
чи — чунăм юратни,
чи — чунăм ыратни;
çакна ачаш ăспа
мăн çын пек ăнланни,
куçран пăхса чунпа
тӳрех туяканни;
чи сассăр кĕтекен,
чи ăшшăн сĕнекен!..
Çав «чи» — кашнийĕн пур!
Пулах — чи пиллĕхли:
çакна ăсна эс хур,
эс, манăн пиллĕкри!
1976, Карели
Шухăшсем
Watch this if you are struggling to get ...
Need a boost in website traffic? Our AI ...
Not getting enough leads for Chuvash? Ch...
Is your Chuvash website missing out on l...
Wanting to maximize your website ...
Want more targeted leads to your website...
Çитмĕлсенчен иртсен те, хаш сывлатпăр, А...
Цикори çинчен ытларах пĕлесшĕннччĕ ...
Замечательное поэтическое творение...
Аван çырнă вăл вăхăтра ...